Bamwe omuri ba councillor omu district ya Mbarara barugyire omurukyiiko rukuru rwa district barikuhakanisa embaririra mbi y’enguto.
Ekyi nikyizaho bwanyima ya Mukuru w’entebe ya 5(LC5) Didas Twesigye Tabaro okushoma report yebyenguto erikworeka obucweka 80% bwenguto ku bukozirwe ekyi bamwe omuri ba councillor bahakaniise.
Nambwenu ba councillor 10 bashohwire baruga omurukyiiko barikubuuza embaririra y’oruguuto rwa Mabira-kitookye Rweshanku erikwingana million 500.
Bazil Bataringaya Rwankwene omunyeishengero ahabwa Kashari North Mbarara District naawe ohikyire omurukyiiko, ashabire omugambirizi worukyiiko rwa district okuguma nahabura ba councillor obutaguma nibatoroka omunkyiiko.
We ori’omuhwezi wentumwa ya President Simon Peter Kaswabri nagyirangu omuze gwokuruga omunkyiiko gugumire nigweyongyera omuri Mbarara ngu haza ekyo nikyireka okuremwa kwabebembezi.
English 